泰國人海南雞 (弼街) (已結業)

今日出旺角行街，行到攰想搵個地方坐下食餐快飯，所以揀咗入嚟食。泰式海南雞 配雞油飯齋睇外表都真係覺得佢唔錯，但我略嫌雞肉太乾，而且斬得唔好，一舊連住一舊咁。而且所講嘅雞油飯唔夠香又好似唔夠油咁，衰啲講句自己煮都好過佢。但佢用嘅雞醬就唔錯，幾好味。泰式豬手飯幾鍾意佢嘅豬手煮得夠軟，夠入味，豬手啲皮食落去好有口感，而且又冇乜羶味唔錯。