扒王一哥 (已結業)

今日叫咗豬手午餐，$68 包餐湯嘢飲，跟埋意粉同埋粟米以呢個價錢同份量嚟講其實真係抵食，可惜質素同以前食爭一大截，湯同嘢飲唔評論啦正常水平，至於豬手係幾大舊，圖片影出嚟嗰時我已經食咗幾啖，但係啲肉又鞋又乾，皮嘅地方還好，都叫食到落肚，但係去到中間啲肉好難咬得開，係要夾硬吞落肚先食到，最後食到一半放棄咗。至於意粉係扁意粉，味道正常但係偏冧。最後埋單連加一$75，價錢係幾平，但係咁嘅質素冇下次。以前疫情期間成日食，午餐又平又好食，但係到而家做到有啲起色就hea做，又話準備開另一間叫‘扒X X王’嘅餐廳，咁嘅質素真係遲早執笠。