Bun Cha Vietnamese (滿發大廈)

營業中

休息中

放工諗住去海邊行吓，就搵吓附近有咩抵食又好食。不嬲都好鍾意食越南野因為係健康之選。叫左呢個生牛肉河，牛肉分量好多，不過湯底味道比較淡。同埋唔知係咪因為好多肉，啲生牛肉嘅血水染到個湯變咗紅色，有啲奇怪。呢個脆米餅係三樣嘢入面最好食，入面非常足料，個皮亦都整得好脆好香。入面有蝦、冬菇、洋蔥，炒得好香好惹咪。最後係扎肉三文治，都係冇咩味，個醬唔夠濃味。可能揀其他肉類會比較好。其實食完頭兩個已經超級飽，因為呢度d野分量都好大。飽到要去海邊散步。