越味皇 (已結業)

夏日炎炎，最想食d開胃的菜式，于是決定食越味皇，入到餐廳已經被佢充滿越南特色的斗笠頂吸引住，牆上仲掛著單車做裝飾，感覺淡雅令人幻想到越南少女戴住斗笠踩單車的美麗畫面。越式的美食選擇繁多，令人眼花撩亂，價錢都也經濟實惠。粉麵套餐由45蚊起，自由配搭食材，粉麵種類，湯底。我地點左一個椰青，好大粒，水份勁多，十分清甜，夏日消暑解渴口感非常舒服。蕃茄蟹頭膏湯糸要加10蚊，但絕對推薦揀呢個，超級濃郁，蕃茄足料，感覺好正氣營養豐富。揀左河粉，同湯底好夾，份量都十份滿足，熟牛肉嫩滑，簡單太抵食了！另一份揀左雞翼撈檬，配有4支雞翼，皮金黃香脆，十分入味，雞肉嫰滑。加上獨家特製的檬汁，酸咪咪，入口清爽，夏天恩物！清清地食左個粉之後就想食返d咸野，咖哩魚煲加蒜蓉包，系最佳拍擋，咖哩香濃，魚柳大大塊，薯仔綿密，正！