越一越南牛肉粉專門店 (已結業)

有一排冇食越南野啦,今日興起就同朋友去食。我地都叫左幾多野下,分別叫左個多汁既椰青同埋新鮮榨既菠羅汁,冇加水,仲要係新鮮架,佢個價都幾抵,所以我有問多次係咪真係鮮榨的。因為我都幾抗拒濃縮果汁或罐頭果汁,所以真係驚喜呀!我叫左個胡椒粉絲鍋,小食拼盤同埋通菜馬拉盞。有得食通菜好感動呀,雖然成日在家都會食呢味菜,但佢既煮法有少少唔同,所以好有新鮮感呀。胡椒粉絲鍋多湯汁,粉絲唔會太林唔會好硬,剛剛好,胡椒味好重,有勁多隻蝦,多到嚇親,隻隻都好大隻GOOD呀!小食拼盤好大份,有我最愛既春卷,可用生菜包住佢,有粉皮,有3隻大雞翼,仲有蔗蝦添。真心超飽呀!呢間環境清靜,大家都好專心食野,食物上菜快,可以快食亦都可以慢慢嘆。