河內大娘越南餐廳 (已結業)

尖沙咀一向都有好多美食，今次就同朋友去試咗一間越南餐廳。🍢香茅串燒拼盤呢個串燒拼盤有蝦、豬同埋雞。蝦幾彈牙，炸得香脆，我連個殼都食埋！本身串燒拼盤裏面嘅豬肉應該係牛肉嚟，但老闆娘話可以試吓豬肉，所以我哋就試咗豬。食之前以為味道會同普通嘅腸仔差唔多，但食落發現原來味道唔同，口感都唔同。豬肉串醃得好香，但又唔似平時嗰啲腸仔咁鹹！雞肉串最出色，除咗同豬肉串一樣醃得香之外，口感外脆內嫩，而且好juicy！🍜生牛肉河粉講起越南菜就一定會諗起生牛肉河粉，所以我哋就嗌咗一碗嚟食。呢碗河粉湯底清甜，搞到我好想飲晒佢！生牛肉都好好味，唔需要調味已經好正。唧埋檸檬加埋辣椒仲好味！🍜越式春卷湯檬粉第一次食湯檬粉，估唔到幾好食！佢嘅質地有少少似係幼身嘅河粉，口感唔錯。春卷炸得好脆，而且好足料，裏面有紅蘿蔔、木耳、肉等等，好香好好味。🍸青檸梳打呢杯嘢飲好slim😂呢杯青檸梳打唔會好甜，而且真係好「梳打」，飲完好爽！🍹珍多冰朋友嗌左一杯珍多冰，我飲咗幾啖，覺得幾特別同幾好飲！呢杯嘢飲有好香椰奶味，杯底有綠豆，唔會太甜，good!!!