第一郡 (已結業)

小弟向來都like越南口味，好似牛肉河嗰d。今日去朋友屋企作客，佢帶我落去食下午茶，話有間叫第一郡嘅越南野幾好去試一下。就係呢間Q1第一郡，其實個位置認真麻麻。唔熟路一般唔會行入去呢邊，附近好似d工廠，車房，倉嗰類野。寫明係越式傳統烹飪，好有期待。，菜牌得兩邊，落單個靚仔強力推薦星期六日先有嘅蔬菜燉牛腩，一於試下。佢每個菜下面都會寫明有咩料係入面。送嚟都幾多，牛腩有4-5塊，個汁有d蔬菜嘅甜味，紅蘿蔔，薯仔都好軟，好好味另外仲有配個法包，包沾上個汁非常正。個牛腩好軟熟，幾乎入口即溶。另外叫咗一杯牛油果沙冰，用料非常實在，口感好綿稠。味道一流。另外環境佈置都幾有心思，坐位亦好舒適。總括嚟講，值得一試。