鳴越越式料理

營業中

休息中

今日去左中環一間越南餐廳食晚飯。中環平時比人嘅印象係上班族番工嘅地方。由於係夜晚去嘅關係，平日熙來攘往嘅中環今日都變得安靜。去左一間叫鳴越嘅餐廳食。呢間係一間樓下鋪，要行樓梯落。一落到去，已經被個環境吸引住。環境好靚好寬敞。有好多卡位，坐得好舒服。由於肚餓嘅關係，一次過嗌左好多野：「香茅豬扒拼雞扒飯」、「越式生牛河」、「馬拉盞芥蘭炒豬爽肉」同「越式春卷」。「香茅豬扒拼雞扒飯」豬扒好入味，用左炸乾蒜，食完唔覺熱氣。雞扒肉嫩。「越式生牛河」牛肉份量好多，夠曬送河粉。河粉好滑，加上香葉同生洋蔥，份外香口。「馬拉盞芥蘭炒豬爽肉」芥蘭新鮮爽脆，唔會好鹹。