春庭越調 (已結業)

平時出去食越南pho都係幾十蚊碗，再貴既點都一百蚊有找，但係今次黎到呢間越南過江龍Xuân Modern Vietnamese，就一反我對越南菜既認知，一碗麵平均都要百五蚊，仲要加一，究竟係有咩咁特別要賣咁貴？🧐食完之後都覺得佢質素係好既，而且用料都高質，不過就真係好貴，試一次就夠了。 1️⃣招牌安格斯牛湯河（$158）講真呢個價夠我平時出去食兩碗生牛肉湯河了🙈不過黎到之後都真係同平時食開既有啲分別既。首先儀式感十足，分開左四小碟配料上枱，有芽菜金不換、蒜片、辣椒、同埋最特別既係有油炸鬼🤩油炸鬼勁脆身，浸下湯食都唔錯～  另外湯河既配料都好豐富，有安格斯牛肉、牛尾、仲有牛舌，每樣都有兩件，係我食過既pho入面配料最豐富最多既！湯底係香濃既牛骨味，好鍾意加埋辣椒之後帶辣味既感覺～成個感覺更香👍  覺得成碗湯河係好貴，但係想食得豐富啲既話可以試下，真係好足料食完成個感覺係好滿足的。   2⃣️富國鮮魚湯檬粉（$148） 呢個幾特別wor😲第一次食越南菜見到呢款湯粉。湯底係鮮魚湯，味道幾鮮幾香濃，入面仲有兩大件帶皮既原塊魚柳😍仲有啲好似魚餅既野。最特別既係入面竟然仲有片菠蘿，幾甜幾多汁，令到個湯底又