Asian Lab

營業中

休息中

今日去黃埔搵friend同佢入咗間新開嘅餐廳，主要提供越南同埋馬來西亞嘅菜式。廚師都係嚟自越南同埋檳城，希望可以令客人食到傳統又正宗嘅味道。我哋坐低之後姐姐就推介唔同嘅食物，話呢度最出名係椰漿飯同埋老鼠粉。好耐冇食椰漿飯，所以叫咗一個嚟試吓。主菜可以要牛肉或者炸雞，咁啱我食咗兩舊啖啖肉，但係朋友嗰兩嚿就好多根，不過整體調味都唔錯，所以撈飯都幾好食。而且個飯嘅椰漿味好突出，出邊好少食到，會話都值得試吓。我自己就幾鍾意個肉骨茶，少少苦味，仲有個嘢熱住可以幫手保暖，飲落順滑，配埋飯食都幾正，如果唔係驚肥會想要三層肉，不過一字骨比想像中嫩，呢個價錢算係咁啦。多人食嘅話都可以叫佢哋嘅小食拼盤，有齊四款唔同嘅特色小食，樣樣都唔錯。另外呢度仲有一啲前菜同埋沙律可以叫，份量都唔少㗎成咗山咁高。見好多人都係食佢哋嘅河粉，下次再試過。