影片
更多
2018-05-17
503 瀏覽
呢幾年嚟都食過幾次，但真係越嚟越難食。尋晚同父母去咗呢間食，叫咗個2人餐同扒餐。個海南雞係2人餐入面揀嘅一個餐，個油飯陣味勁怪，個飯又唔熱，隻海南雞無味，連雞有雞味呢句我都講唔出。2人餐入面個菠蘿焗飯，勁多油，而且食落口好黏，食剩一半就放棄無食。個扒餐算正常，但啲薯菜又係唔熱嘅。最後叫餐飲，我父母叫檸檬茶，佢地話一啲酸味都無，都唔知係咪間野無生意，切定咗啲檸檬太耐，走哂味。我叫杯冬啡少甜少冰，真係少條毛，甜到嘔，我溝多半杯水入去都仲係勁甜。以前間野係燉奶佬個位個陣都仲做得好好，一搬去華都大道之後就做到舊屎咁，又難食，啲大廚自己有無試過味又比人食架？呢間野真係blacklist，以後都唔會再去。
尋晚同父母去咗呢間食，叫咗個2人餐同扒餐。
個海南雞係2人餐入面揀嘅一個餐，個油飯陣味勁怪，個飯又唔熱，隻海南雞無味，連雞有雞味呢句我都講唔出。
2人餐入面個菠蘿焗飯，勁多油，而且食落口好黏，食剩一半就放棄無食。
個扒餐算正常，但啲薯菜又係唔熱嘅。
最後叫餐飲，我父母叫檸檬茶，佢地話一啲酸味都無，都唔知係咪間野無生意，切定咗啲檸檬太耐，走哂味。
我叫杯冬啡少甜少冰，真係少條毛，甜到嘔，我溝多半杯水入去都仲係勁甜。
以前間野係燉奶佬個位個陣都仲做得好好，一搬去華都大道之後就做到舊屎咁，又難食，啲大廚自己有無試過味又比人食架？
呢間野真係blacklist，以後都唔會再去。
張貼
