Fat Angelo's (已結業)

每次一大班人要出街食飯就覺得頭痛。其實上幾個月前自己都嚟過 Fat Angelo's。今次一行18人再去過，分兩張枱坐。我發現越多人去食就越抵食喎。每枱我哋叫咗：意式炸魷魚 $138海鮮鍋 $198燒美國頂級帶骨牛肋排 $498燒美國豬肋骨配燒烤醬 $328松露牛肝菌忌廉闊麵 $198黑松露醬鮮蝦帶子燴意粉 $278侍應推介我哋試下個「帶骨牛肋排」，起初睇落個價錢都驚驚地，但見係除夕前一日咁高興，就叫一份嚟試下啦。果然冇介紹錯！好大舊！即使9個人分，每人都分到一大件。除咗大塊之外，牛扒非常有肉味和肉汁，仲出奇地彈牙唔韌。可算係我食過最好嘅一塊，諗番起都流口水。其他食物都唔錯，海鮮鍋尐青口好新鮮，排骨好入味好嫩。不過雖然黑松露醬鮮蝦帶子燴意粉幾好味，但就唔多覺黑松露囉。加埋送嘅沙律麵包，我哋飽都食唔落甜品！唔係個個都有叫嘢飲，埋單每人$240。可以食到咁嘅質素嘅食物，我覺得值得推介一下。