La Bo La (已結業)

喺利東街行到盡頭。行多一步。我倆無意發現咗一間越南餐廳。入去試下先。佈滿聖誕燈飾。環境都幾舒服。餐牌有兩頁紙。有齊小食。卷物。沙律。麵包同主菜。價錢以地區黎講。都幾親民五香炸無骨🐔翼～無骨架啱曬賴係有儀態嘅我。💃🏻外皮炸到脆卜卜。入面仲好好好juicy 。秘製魚露烤🐷頸肉沙律～新鮮沙律菜+醋汁無敵一開始以為得三塊🐷頸肉。點知食下一塊。食下又一塊。滿足越式三文治～烤過嘅法包香脆熱辣辣。夾著扎肉。酸菜。鵝肝醬。鵝肝醬完全融入法包。酸菜中和咗鵝肝醬嘅膩。好滋味。好match 。慢煮咖哩牛筋牛坑腩煲 跟法包～咖哩味香。唔係辣嗰隻。牛筋牛腩幾淋身。仲有茄子+薯仔。都幾足料。法包有4件。沾咖哩汁食又幾好味。黑椒牛脷芯配飯～牛脷有5大片。軟淋而厚身。口感豐富。黑椒醬汁佈滿整個飯。啖啖黑椒味又幾惹味。可惜醬汁略多。食物質素中上。每人唔洗$300 。確係灣仔區又一好選擇。