越朝 (已結業)

假期係旺角行街，行到攰攰地，揾個地方歇歇腳，順便醫醫肚，見到呢間食店個名 "越朝"，心諗係咪越食越潮😂, 門面都幾企理，門外有餐牌可供食客觀看。望下餐牌先，最後要個"越式炸蝦春卷湯粉"炸蝦春卷好脆好香口，新鮮熱騰騰，只是蝦肉很少。碗湯粉好多蔥粒洋蔥鋪面，湯底顏色比較深色。湯好濃味，還有芫荽，芽菜等做配菜，粉條幼身而且滑溜。餐茶點了熱咖啡少奶，咖啡味濃郁，好甘香。室內環境寬敞，很有越南特色。