影片
更多
2015-10-04
218 瀏覽
自從個越南同事自帶homemake嘅食物比同事分享後，就一直對越南嘢有無限嚮往，撈檬又好，米卷又好，真係令人回味！於是，今日決定食越南嘢。其實，以前都有幫襯，不過果時真係覺得中式嘢好過佢，而家，都會有d期望，可惜，希望越大，失望也越大！門面很有越南風格，menu設計也比足心機，是日，食下午茶餐，我地都想試下d特飲，始終，茶餐廳飲極都係凍奶茶咖啡鴛鴦檸茶，來得食越式，梗係入鄉隨俗㗎啦！首先，係我嘅豬扒撈檬賣相冇乜特別，不過個人就覺得如果豬扒可以另上，留返d空間比我撈撈個檬粉，就更好啦！迫不及待加魚露，成個檬粉嘅靈魂，其實就係個魚露汁到，個汁應該係酸甜適中，加上爽口嘅檬粉及配菜，如果有埋咸蝦醬，會更加有越南嘅味道，不過可惜，當日嘅粉唔夠乾身，有被浸淋過頭之錯處，令人失望！講返個豬扒，可能係成個粉唯一可取嘅地方，不過食唔出香茅味，似中式多過越式。朋友仔鍾意食牛佢點咗個牛脷撈檬，更加驚人嘅係，個牛脷竟然係白水sa熟嘅！又騷又韌，難啃度十分有九分！友人見碗嘢冇乜好食，於是咬咗嚿葉，唔咬還好，咬完把起火，友人話d味道有d怪，唔知道係乜，係裝飾定食得呢？於是問下個侍應，果位姐姐越叫越走，另一位過來問
自從個越南同事自帶homemake嘅食物比同事分享後，就一直對越南嘢有無限嚮往，撈檬又好，米卷又好，真係令人回味！
於是，今日決定食越南嘢。
其實，以前都有幫襯，不過果時真係覺得中式嘢好過佢，而家，都會有d期望，可惜，希望越大，失望也越大！
門面很有越南風格，menu設計也比足心機，
是日，食下午茶餐，
我地都想試下d特飲，始終，茶餐廳飲極都係凍奶茶咖啡鴛鴦檸茶，來得食越式，梗係入鄉隨俗㗎啦！
首先，係我嘅豬扒撈檬
賣相冇乜特別，不過個人就覺得如果豬扒可以另上，留返d空間比我撈撈個檬粉，就更好啦！
迫不及待加魚露，成個檬粉嘅靈魂，其實就係個魚露汁到，個汁應該係酸甜適中，加上爽口嘅檬粉及配菜，如果有埋咸蝦醬，會更加有越南嘅味道，不過可惜，當日嘅粉唔夠乾身，有被浸淋過頭之錯處，令人失望！
講返個豬扒，可能係成個粉唯一可取嘅地方，不過食唔出香茅味，似中式多過越式。
朋友仔鍾意食牛
佢點咗個牛脷撈檬，
更加驚人嘅係，個牛脷竟然係白水sa熟嘅！又騷又韌，難啃度十分有九分！
友人見碗嘢冇乜好食，於是咬咗嚿葉，
唔咬還好，咬完把起火，
友人話d味道有d怪，唔知道係乜，係裝飾定食得呢？於是問下個侍應，果位姐姐越叫越走，另一位過來問咩事呀，好冇禮貌咁問，我地有少少嚇親，就細聲問d葉係咩來，佢講咗句薄荷葉咯就雞咁腳走咗！
左邊係我嘅凍生薑果纖蜜，生薑就唔係㗎啦，係一d醃製過嘅薑，至於果纖？唔知係乜，冇見到咯～
右邊係朋友嘅椰汁紅豆冰，我地都係第一次飲到d紅豆可以咬到咯咯聲嘅紅豆冰，只能說佩服！
最後，我地都好後悔加咗小食
48蚊仲未有係街邊小食檔嘅水準！
d豬肉好韌，雞肉好乾，配嘅係沙茶醬！
總體來講，可以算係一間黑店！
其實，越南餐應該係開胃嘅美食，而且健康多素為主，但呢間所謂嘅越式餐廳，實在不敢恭維，而且破壞曬越式食物係我心目中嘅水準！不可取！
張貼
