福禧食館 (已結業)

有次路過厚福街想找地方食個Quick Lunch﹐但行黎行去都無心水﹐原本諗住行返去大街食海南粉﹐點知經過巷仔就見到有一間門面似港式粉麵鋪﹐但標榜越式粉麵飯及小食的食店﹐一於試下。環境頗擠逼且衛生一般﹐間唔中仲會有小昆蟲飛過。不過入得呢類街坊小店食野﹐都預左會有呢種畫面。各式粉麵飯都係20 幾蚊或以下﹐相當經濟。款式就的而且確係越式﹐有蝦餅有扎肉有香茅雞翼豬扒等等﹐最特色就係有手撕雞﹐不過原來太早去係無得食的﹐因為未撕好﹐真搞笑。各式雙拼飯都只係24蚊﹐仲可以另外俾錢加咖喱或沙嗲汁﹐左配右搭﹐都算幾多選擇。要左一碗沙嗲牛湯檬($19)﹐一碟炸蝦餅($24)一碟春卷($20)。沙嗲牛肉湯檬還可以﹐牛肉份量不少﹐亦算新鮮﹐檬粉質地軟滑﹐但湯唔夠香﹐幸好加埋沙嗲汁﹐算有返少少味道。春卷新鮮炸好﹐熱辣香脆﹐配上甜酸魚露﹐作小食一流。炸蝦餅則比較多油﹐不過味道其實係唔錯的。另外後來經過再食過一碟雞翼豬扒飯加咖喱汁﹐雞翼同豬扒都幾惹味﹐咖喱則比較普通﹐但以快餐計都叫合格有余。如果抱著食正宗越南菜心態的話﹐恐怕會令你失望。但呢度就似係一間越式快餐店﹐你想快快趣趣經濟地食一餐﹐又想有一點特色的話﹐福禧