越一越南牛肉粉專門店 (已結業)

今日要去荃灣做啲嘢，午市時段要搵食真係有啲難度，咁啱經過越一見到有好多枱客，心想都應該唔差卦，於是就走入去試試。首先裝修企理光猛又坐得唔太逼，午餐食飯就最抵㗎啦…我叫左個香辣肉碎蛋飯，肉碎炒得好香，辣辣地，好惹味好開胃，但唔食得辣嘅朋友就唔好點啦。熱薏米水甜甜地，裡面有條冬瓜同足量薏米，所以鍾意薏米嘅人可以試試，飲落去感覺幾清熱。食親越南嘢我都忍唔住叫蝦餅，蝦餅口感煙韌，鮮味十足，有少少炸紅蔥頭碎同蔥一齊食味道會更加香。