小越廚

營業中

休息中

今晚越式晚餐在街坊小店的小越廚享用。我的蟹膏湯檬，第一次嘗試蟹膏炒雞蛋，蟹膏甘香加埋蛋香，幾特別，幾正喎！蕃茄湯底完全冇油膩，仲有鹵豆腐、札肉片、豬紅、蕃茄、金不換香葉.....，和不可不吃的爽滑檬粉！我的特飲牛油果奶昔$25，比較清淡，牛油果清淡味道是正確，也啱我的口味！來到吃越菜，生牛肉湯檬$55也是不二之選，仲送餐飲熱檸檬茶，生牛肉浸在熱湯裏就剛剛好，吃到鮮牛肉味道，和獨有的越南牛肉湯底味道！香矛豬肉湯檬$56，小店餐牌推介有3隻手指公「讚」，當然要試試，碗面呈現香料十足，豬肉和湯檬都足份量，不過，三碗湯麵檬比較，香矛豬肉湯檬就比較多油少少，相信是豬肉關係，但味道挺不錯。特飲青檳梳打加12，冰凍又又抵飲呀！我們分享一份越式手撕雞法包$48，造型頗佳的越式法包有豐富饀料：生菜、手撕雞、甘筍絲、木瓜絲、青瓜片、牛油.......，香脆法包口感嚼勁，但太厚身不能一口咬下，只好斯斯文文逐小品嘗。三件芒果糕共$24，有芒果肉粒，糕身比較綿糯，欣賞芒果糕不會太甜。題外話：小越廚餐廳貼上很多手繪圖畫和迷籐具用品，頗有趣味。