鐵魚川式食堂 (已結業)

之前番大陸食過烤魚 食過就心思思好想再食所以就係openrice搵下有咩烤魚好食 見到哩間鐵魚川式食堂評價唔錯 就同班朋友約定星期五放工試下🤤地方唔算大 但設計唔錯 比人感覺空間感好好 唔會太逼狹👧🏻 坐低無耐店員好熱情推介我地原來有分3個餐：銅魚 銀魚 金魚 主要係時限同食物款式既配搭有所不同 我地唔算大食就簡銅魚 限時90分鐘💁🏻‍♀️店員推介江團魚 話無魚鱗 但魚肉就比較實 我地唔洗多諗齊聲話好 川魚就試得多 今次就簡個比較特別既青檸越式烤魚🐟🐟🐟有個朋友麻麻地食魚 店員提議開第二個鍋叫埋雞煲🐔 等待烤魚期間⏳ 店員拎左4碟前菜比我地食住先 2碟係微辣既 2碟係唔辣既 陳醋木耳我最鍾意食 酸酸尾尾 木耳好爽口 好開胃😌烤魚到啦 先開爐焗一焗 之後店員會主動走埋黎分魚 再幫手淋上湯底 分便我地食😼 江團魚已經預先烤過 魚皮帶少少脆 雖然有少少骨 但魚肉飽滿豐厚 好正 我都忍唔住食左好多舊魚 越式湯底有大量既莞茜 青檸味好出 湯滲哂入配料到好入味 估唔到咁夾咁好食🤤食完烤魚就可以加水打邊爐 蔬菜盆好新鮮 🥦海鮮係睇當日有咩新鮮海鮮 大蜆海蝦🦐大大隻 好鮮味肉爽 牛腰脊牛好正 肉味濃入口