影片
更多
2020-08-10
557 瀏覽
今日要去天后覆診，睇完醫生，見時間尚早，決定過去大坑逛逛，順便買些外賣回家做午餐。有人話想食越南菜，記得浣紗街有間「火車頭越南餐室」，趁還未到午市繁忙時間，人流不多，一於過去八下。到埗後，先在門外細看餐牌，原來餐廳午市有套餐供應，選擇非常豐富，共有 18 款，定價由 $59 - $83 不等，套餐包飲品，另外亦可以加錢配一份小食。我揀咗兩個套餐，另外加入咗兩份小食。由於食物製作需時，店員讓我先進餐廳內坐下等候， 服務非常貼心。越式牛柳粒紅飯 ($79) 配羅漢果蜜 + 越南炸春卷 ($22)先試下個越南炸春卷，由於拿回家有一段路程，所以吃時春卷嘅外皮已經唔算好酥脆，不過入面嘅餡料很豐富，有紅蘿蔔絲、木耳、蔥花和豬絞肉等，加上入口不油，食味亦不俗。牛柳粒同紅飯各自分開盛載，牛柳粒肉質甚佳，夠鬆軟又嫩滑，牛味濃郁，可口味美，而配料亦下得很慷慨，有三色椒和洋蔥等。紅飯經番茄炒過，入口酸酸甜甜，茄味包裹住每粒米飯，口感不油不膩，配上多汁牛柳粒，老少皆宜！菠蘿大蝦炒飯 ($79) 配檸檬紅茶 + 燒豬肉柚子蝦片 ($18)燒豬肉柚子蝦片很有驚喜，墊底嘅蝦片雖然唔算好脆口，但面頭嘅豬肉燒得很香
有人話想食越南菜，記得浣紗街有間「火車頭越南餐室」，趁還未到午市繁忙時間，人流不多，一於過去八下。
到埗後，先在門外細看餐牌，原來餐廳午市有套餐供應，選擇非常豐富，共有 18 款，定價由 $59 - $83 不等，套餐包飲品，另外亦可以加錢配一份小食。
我揀咗兩個套餐，另外加入咗兩份小食。由於食物製作需時，店員讓我先進餐廳內坐下等候， 服務非常貼心。
越式牛柳粒紅飯 ($79) 配羅漢果蜜 + 越南炸春卷 ($22)
先試下個越南炸春卷，由於拿回家有一段路程，所以吃時春卷嘅外皮已經唔算好酥脆，不過入面嘅餡料很豐富，有紅蘿蔔絲、木耳、蔥花和豬絞肉等，加上入口不油，食味亦不俗。
牛柳粒同紅飯各自分開盛載，牛柳粒肉質甚佳，夠鬆軟又嫩滑，牛味濃郁，可口味美，而配料亦下得很慷慨，有三色椒和洋蔥等。紅飯經番茄炒過，入口酸酸甜甜，茄味包裹住每粒米飯，口感不油不膩，配上多汁牛柳粒，老少皆宜！
菠蘿大蝦炒飯 ($79) 配檸檬紅茶 + 燒豬肉柚子蝦片 ($18)
燒豬肉柚子蝦片很有驚喜，墊底嘅蝦片雖然唔算好脆口，但面頭嘅豬肉燒得很香口，加上淋滿了柚子醬，食落酸酸甜甜，好醒胃，伴以米粉、青瓜絲等一起吃，口感很豐富。
另外盒菠蘿大蝦炒飯亦做得甚有水準，個賣相非常靚仔，材料除了菠蘿和大蝦外，還有肉鬆、腰果、提子、雞粒、蛋絲、青椒、洋蔥等，用料十足。飯身軟硬適中，粒粒分明，火侯拿捏得剛剛好，味道不錯。
跟餐飲品點咗凍羅漢果蜜同凍檸檬紅茶，羅漢果蜜清清甜甜，幾好味；檸檬紅茶夠茶味又夠檸味，而且拿回家時仍非常冰凍，解渴一流！
張貼
