虹庭越南餐廳

營業中

休息中

出面睇舖頭細細，入到去原來都幾寬落，坐底用QR Code點餐，有飯有湯粉有撈檬有法包揀，都幾多款揀，樣樣都幾吸引，都要諗左一陣先決定到～點完餐個姨姨個同我地講個system未必準，同我地對單，笑死，咁我地就加番杯野飲啦，希望個system run 得更加好，咁啊姨唔洗咁辛苦啦🤣點依個越式豬頸肉擔心係咪得個幾塊肉，結果黎到係有十塊架，仲要又爽又滑，上面有個D脆脆乾蒜有更多口感，下面又埋左生菜減低油膩感，點埋醬汁，滿足左我依個豬頸肉fans！同埋個飯黎到勁香，成個飯有肉有菜（仲有蔥油）有飯，仲要有擺盤，我覺得好滿足😋香茅雞翼撈檬，天氣熱最岩食撈檬，涼食消暑，同雞翼大大隻同埋炸得酥脆香茅烤牛肉撈檬，牛肉好多，同埋煮得岩岩好，肉嫩～至於個扎肉雞絲湯檬～要形容個湯就係清雞湯咁，唔油冇味精味，唔會想係咁飲水👍🏻凍飲加3蚊*冇service charge，同埋食到好食既午餐，唔錯！