越式越好味 (已結業)

今日去左深水埗行完街，係附近睇下買乜外賣返屋企食先。經過呢間•越式越好味•，雖然佢門面唔係好華麗，簡單小店，但我聞到一陣似曾相識既味道。呢陣味就係之前去越南既時候，去啲餐廳既香草香葉味。好懷念呀，一於買呢間外賣試下。我叫左個飯同兩個小食。越式菠蘿炒飯 呢個菠蘿炒飯材料都好豐富，菠蘿、扎肉、蝦、蛋、青瓜粒同紅蘿白粒，仲有炸葱粒，仲點少得香草係面，香噴噴。越式蝦多士 第一次有芝士係裏面既蝦多士，唔錯，蝦都幾彈牙。順化豬肉米紙卷屋企人鐘意食呢個，清清地幾徤康，入面舊豬肉味道唔錯，帶起成舊米紙卷。呢度買滿300有9折，仲送份扎肉米紙。