蔡瀾越南粉 (已結業)

放假約朋友食Lunch，朋友臨時要喺蘭桂芳做野，咁我地就約咗喺中環等。終於等到朋友喺公司落黎，但兩個人都漫無目的唔知食咩好，經過見到蔡瀾越南粉竟然無人排隊，就同朋友提議去食。入到去先知有兩層，我地就座咗喺上層，佢地嘅餐牌其實係一張點菜紙，因為我同朋友打對咁坐，而隔離枱又無人，為咗方便睇就一人一張（同時我都同朋友講，你睇完就用同一張點菜紙點），隔咗一陣有個職員拎水黎比我地，見到我地睇緊兩張就話我叫我地點埋同一張，然後就好無禮貌咁搶走咗我朋友嗰張放返喺隔離枱，超無禮貌！如果出面無落雨又或者我地有遮，我地一定走人！焗住喺到食就求求其其叫咗一碗和牛湯河粉，一碗生牛肉湯河粉及蝦醬炒通芯菜。等咗一陣野食送到，湯河例牌要飲啖湯先，好普通嘅牛骨湯，無驚喜，差不多兩舊水嘅和牛湯河粉，和牛好普通，通菜就好咸名人開嘅食店，試一次就夠！埋單$407