Mee...lemongrass (將軍澳中心) (已結業)

今日放工去朋友屋企攞口罩，因為佢買到有好多盒所以送一盒比我！雪中送炭啊！我坐車去將軍澳搵佢，攞完決定食埋dinner先番屋企。我去左將軍澳中心食飯，再去我最愛既泰越餐廳mee lemongrass。我叫左海南雞喇沙，喇沙湯底最重要，依間椰香突出香甜，椰味夠重，湯底香甜完全唔會偏辣偏重口味，酸香微甜，麵質好爽口好彈牙。麵身吸哂湯汁！海南雞好香嫩，雞肉尚算香滑，雞肉無咩雪藏味！雞皮油脂切走，連皮食都唔怕。我再叫一個蝦餅。蝦餅好爽口彈牙，食到蝦味鮮甜味道，外層香脆。