LE BAR (宜必思香港中上環酒店)

營業中

休息中

朋友生日， 約咗食西餐，呢間餐廳係喺酒店内。 呢度環境雖然係好寬敞， 但因為佢用咗紅色窗簾布， 感覺好古怪， 令人覺得好唔舒服。 同埋唔夠冷氣，感覺好熱， 食到流哂汗。等左一陣間，各自點咗自己想食嘅菜式， 另有餐湯或者沙律附送。餐湯係南瓜蕃薯湯， 感覺似鹹味蕃薯糖水，古怪。 沙律用左火箭菜為主，好苦，未必人人啱。 我地叫了一份三文魚沙律，三文魚嘅顏色令人感覺好似唔係好夠新鮮，但沙律菜就清甜爽脆。 一份鱸魚菠菜甜椒汁，鱸魚夠香口， 有一條好細嘅甘筍仔放喺魚既上面，令賣相相當可愛。 至於龍蝦湯帶子意大利飯， 有五隻帶仔，全部大大隻，淨食帶子已飽了。個飯就食唔得出有龍蝦湯味。雖然望落去好似好細碟， 原來再加埋啲芝士，食完之後覺得好滯。最後再送 甜品……朱古力蛋糕，甜咗少少，其實好好味的。