影片
更多
2020-04-20
1131 瀏覽
疫情下如非必要都唔會出街，出門前要整理一下要做，要買嘅清單，盡量出街一次，閉關幾日。今日嚟熊貓附近買嘢，本來有少少擔心，因為呢邊平日好少嚟，印象中冇咩好食。好彩同行姪仔有好介紹 - 越翠苑。今日點咗 ：越式牛肉河、咖哩牛腩飯、炸蝦餅、豬扒法包、椰子沙冰、士多啤梨沙冰。炸蝦餅（$38）- 越式蝦餅同泰式蝦餅冇咩唔同，蝦肉新鮮爽口彈牙，基本上無可挑剔，唯一缺點係份量少咗啲囉！越式豬扒包（$48）- 法包烘得好香脆，香噴噴，淨食都已經非常好食，配以酸蘿蔔絲、生菜、青瓜、香甜口味嘅豬扒…… 配搭一流，味道可口！食完想再馬上再食，再打包拎走嘅程度！咖哩牛腩飯（$56）- 牛腩係牛肋條，店家用料大方，一客有5大塊，燜得好入味，唔黏牙。而越式咖哩味道層次比印度咖哩清淡單一，口味偏甜微辛辣，大人細路都啱食，送飯一流。越南牛肉湯河（$54）- 湯頭好香濃，甜口味。牛肉味好濃郁，配以九層塔、炸蔥頭，好味到一食到底。士多啤梨沙冰（$36）- 沙冰口感細膩， 奶味香濃，啖啖都充滿士多啤梨香味。椰汁沙冰（$36）- 真心推介。原個椰子打成，椰味香濃， 滑不溜口，沙冰以外仲附送一杯椰子水，清熱解毒。總括而言，越翠
今日點咗 ：越式牛肉河、咖哩牛腩飯、炸蝦餅、豬扒法包、椰子沙冰、士多啤梨沙冰。
炸蝦餅（$38）- 越式蝦餅同泰式蝦餅冇咩唔同，蝦肉新鮮爽口彈牙，基本上無可挑剔，唯一缺點係份量少咗啲囉！
越式豬扒包（$48）- 法包烘得好香脆，香噴噴，淨食都已經非常好食，配以酸蘿蔔絲、生菜、青瓜、香甜口味嘅豬扒…… 配搭一流，味道可口！食完想再馬上再食，再打包拎走嘅程度！
咖哩牛腩飯（$56）- 牛腩係牛肋條，店家用料大方，一客有5大塊，燜得好入味，唔黏牙。而越式咖哩味道層次比印度咖哩清淡單一，口味偏甜微辛辣，大人細路都啱食，送飯一流。
越南牛肉湯河（$54）- 湯頭好香濃，甜口味。牛肉味好濃郁，配以九層塔、炸蔥頭，好味到一食到底。
士多啤梨沙冰（$36）- 沙冰口感細膩， 奶味香濃，啖啖都充滿士多啤梨香味。
椰汁沙冰（$36）- 真心推介。原個椰子打成，椰味香濃， 滑不溜口，沙冰以外仲附送一杯椰子水，清熱解毒。
總括而言，越翠苑係水準以上，價錢合理，一定會再次幫襯試吓其他菜式。
張貼
