鳴越越式料理

營業中

休息中

今晚去咗中環安泰大廈果間鳴越食晚餐，要落去地庫，原來下面地方好大，好多卡位，而且好濶落，牆壁掛咗好多油畫裝飾，幾企理喎！睇餐牌，多數係做套餐形式，有一杯餐茶奉送！我地兩人點咗一個咖哩牛腩飯，一個下龍灣海鮮炒金邊粉！另外加咗一四件越南炸春卷同埋一客越式煎扎肉！咖哩牛腩飯，咖哩香口充落椰汁香味，牛腩唔鞋口，咖哩汁撈飯食就好開胃，成碟飯食晒！海鮮金邊粉份量勁大碟，鮮蝦靑口都好夠味！金邊粉炒得乾身不覺油膩，調味亦好適當！但好大碟食唔晒要打包帶走！炸春卷醮酸辣醬好好味，仲包埋生菜一齊食，冇咁熱氣添！越式煎扎肉亦係點酸辣汁一齊食就好配合，兩款小食都好好味，唔錯！埋單才是二百蚊左右！超哂值！，