八一蕃巴蜀烤魚店 (砵蘭街) (已結業)

想食呢間已經有一段時間，因為佢喺我平時上車嘅地方。平時見好多人食，今次終於有機會去試下。嚟到就一定食魚啦！我揀咗麻辣鯇魚半條加份full set配菜。我吾係好食得辣，所以叫咗少辣。不過一上枱……啲辣椒遮住晒條魚！真係少辣？？？加咗個gas爐喺底，一路食一路加熱！俾個盤個size你對比下，好大咖！魚肉喺堆辣椒下邊。咁其實咩味呢？？一開始上枱係吾係好香。不過………一路加熱，越嚟越香！而且魚肉好滑，越食越入味！仲好鮮甜！雖然好似好多辣椒，但係其實唔係好辣，而且嗰麻香好野味。啲配菜索曬啲汁，食到吾停得口！