安南 (利園) (已搬遷) 新店位置

同事話食過安南幾好食，約埋幾個朋友黎。上到黎利苑，餐廳感覺好高級，坐位舒服，服務細心。安南春卷皮薄，煎到脆卜卜，好香口，入面有香草肉碎。雙色扎肉粉卷包住豬肉，蝦肉，點酸汁食好更惹味！順化浮萍餅聽個名唔知乜東東，原來係腸粉上加左D麵包粒，口感煙煙韌韌，加上麵包粒食好脆。香茅雞肉蝦片又脆卜卜，少少香茅味令雞肉更出色！安南藕藤沙律既藕條好爽囗又清甜，入面有蘿蔔絲又有蝦，豬肉，點埋青檸醬汁好開胃！呢間確係香港一間質素有保證嘅越南餐廳！