囍越 (屯門市廣場) (已結業)

呢間越南野其實都黎過幾次，次次食完都覺得啲野味道中下，叫自己記住唔好再黎，但因為位置就腳，又唔算好多人等位，每隔一兩年又唔記得, 又會再黎一次。今次同家人黎食馬拉盞炒通菜，正常豬頸肉濱海，豬頸肉份量可以多啲就好蝦米卷，正常咖喱牛腩河，正常四式撈檬，有蔗蝦、札肉、香茅豬肉之類，都係正正常常另叫左3杯特飲，檸同橙味的都唔稱得上好飲，細妹貪得意叫果杯蝶豆花更加係難飲。整體食物味道真係好普通，係叫就腳坐得ok舒服。埋單都要600蚊左右，以咁普通食物質素黎講，就唔係咁值。臨走前再提自己，下次冇乜必要就唔好再黎喇。