越男仔 (已結業)

今日要在灣仔修頓見客，做完嘢都差不多兩點鐘，就四圍睇下有冇好嘢醫肚，望過對面街，有一間門面、招牌黃黃綠綠好吸睛，咁就過去試下咯！這裡舖仔細細，坐在店中央既我對正部大電視，正播緊老闆接受訪問及介紹餐廳既片段，發現好多特色又有創意既菜式。不過今日一條”冷”，而且下午仲要趕返公司，咁就點了個”胡志明市紅番茄四寶湯檬粉”，大大碗上枱，有扎肉、豬扒、豬頸肉和炸豬肉，全部係豬，各種豬肉的味道都唔錯，豬扒有香茅味，札肉香料味濃，炸豬肉爽口好味，各款都經過悉心烹調，鍾要食豬既我就啱晒。湯底呢，係用咗番茄膏煮成，香味十分濃郁，伴濛檬粉吃好夾味，連個湯都飲埋。跟手叫埋個小食先，春卷、米紙卷、軟殼蟹、蔗蝦全部都冇叫，淨係點咗個招牌推薦既法式芝心蝦多士(4件)，呢個蝦多士大大件，雖經油炸但油而不膩，上面佈滿芝麻，內裡夾著流心芝士醬，個人強烈推介，食完超滿足。