喜越 (已結業)

夜晚放學，見時間尚早，就同同學食個晚飯醫下肚先返屋企，我地呢日去咗銅鑼灣站附近嘅耀華街搵食，見有間越南嘢望落唔錯，就走咗人去試下。款式選擇多，小食，法包，湯河，撈檬，飯，主菜，實有一樣啱食。⭐️越式法包配 牛油、特級蜂蜜、豬肝醬法包鬆化，豬肝醬香滑味濃。⭐️雞絲湯河雞絲份量多，湯底夠味，河粉煮得啱啱好，口感爽滑。⭐️香茅牛油雞翼外皮好脆，入面肉質juicy。⭐️春卷撈檬春卷足料漲卜卜，撈檬開胃好食。⭐️波蘿冰味道清新，甜度適中。