西貢越南真味

營業中

休息中

難得有空，同太太逛逛九龍城。順便食埋晚飯。途經獅子石道，見一越南食店有人排隊，相信食物不俗，立刻試試。等了約10分鐘，已經攞到位。二人叫了鮮蝦蟹膏扎肉湯檬，越式三寶飯，凍越南滴漏咖啡及椰汁冰。扎肉湯檬湯底非常得，充滿蟹及蝦的鮮味，呷一啖湯，滿口鮮甜。湯檬材料亦豐富，有蟹柳及蝦仁等。三寶飯包括有豬扒、雞翼及扎肉。另附上薑蔥及自製豉油，飯size大，豬扒及雞翼醃得非常入味，豬扒食落亦鬆化。越式咖啡非常特別，因用滴漏方式冲咖啡，味道非常濃郁。如咖啡份量多些，相信會更好。椰汁冰尚算不俗，椰濃郁及非常解渴。埋單約$200 ，價錢ok。