影片
更多
2023-06-30
253 瀏覽
嚟上環買甘草檸檬，順便食埋飯先返屋企。喺路口見到有間「俊軒越南餐廳」，駐足細看，晚市有湯檬、法包、海南雞飯等供應，選擇都幾豐富，一於試下。店舖地方不大，只有 8 個座位，但內在環境不俗，裝潢簡潔明亮，配襯牆上嘅斗笠，洋溢著越南風情。先嚟一客鮮蝦米紙卷 ($72)，米紙晶瑩剔透，內裡包裹著鮮蝦、扎肉、牛油果、檬粉和生菜等，蝦隻彈牙味鮮，扎肉爽口，加埋軟滑嘅牛油果，清新解膩。鵝肝醬豬頸肉法包 ($72) 法包烘到外脆內軟，入面夾滿了烤至焦香嘅豬頸肉、爽脆醃蘿蔔絲、青瓜等餡料，再加上香濃秘製肝醬，份量十足，非常惹味。另外仲點咗半隻招牌海南雞 ($90) 配 鹽油黃薑飯，海南雞賣相好吸引，雞皮爽彈唔肥膩，雞肉超級嫩滑，加上已全部去骨，啱晒鍾意啖啖肉嘅懶人！碗鹽油黃薑飯水準亦唔錯，米身偏長，入口帶濃郁米香，軟熟不黏，以海南雞伴吃，味道一流！飲品點咗檸檬可樂 ($25) 同 咸梅青檸梳打 (跟法包+$10)，檸樂夠氣夠味，入口透心涼。青檸梳打好 fresh，加上酸咪咪嘅咸梅，滋味又清新。
嚟上環買甘草檸檬，順便食埋飯先返屋企。喺路口見到有間「俊軒越南餐廳」，駐足細看，晚市有湯檬、法包、海南雞飯等供應，選擇都幾豐富，一於試下。
店舖地方不大，只有 8 個座位，但內在環境不俗，裝潢簡潔明亮，配襯牆上嘅斗笠，洋溢著越南風情。
先嚟一客鮮蝦米紙卷 ($72)，米紙晶瑩剔透，內裡包裹著鮮蝦、扎肉、牛油果、檬粉和生菜等，蝦隻彈牙味鮮，扎肉爽口，加埋軟滑嘅牛油果，清新解膩。
鵝肝醬豬頸肉法包 ($72) 法包烘到外脆內軟，入面夾滿了烤至焦香嘅豬頸肉、爽脆醃蘿蔔絲、青瓜等餡料，再加上香濃秘製肝醬，份量十足，非常惹味。
另外仲點咗半隻招牌海南雞 ($90) 配 鹽油黃薑飯，海南雞賣相好吸引，雞皮爽彈唔肥膩，雞肉超級嫩滑，加上已全部去骨，啱晒鍾意啖啖肉嘅懶人！
碗鹽油黃薑飯水準亦唔錯，米身偏長，入口帶濃郁米香，軟熟不黏，以海南雞伴吃，味道一流！
飲品點咗檸檬可樂 ($25) 同 咸梅青檸梳打 (跟法包+$10)，檸樂夠氣夠味，入口透心涼。青檸梳打好 fresh，加上酸咪咪嘅咸梅，滋味又清新。
張貼
