仙桃居

營業中

休息中

幫襯咗十幾年，近年每次去都覺得食緊新餐廳，因為次次食都唔同。舊時個湯有綠豆衣、芽菜、炸蒜，依家無晒呢啲野，就連味都無埋，無醬汁豬扒個醬汁做湯底個湯都唔使旨意有味；奶油吐司又係唔夠甜；魷魚酥好少少，keep到一時過鹹一時無味一時啱啱好；米線米通時硬時適中；肉燥飯食到差唔多底有油浸飯。 除咗戴眼鏡長頭髮經常註場嗰位阿妹，其他員工老細唔在場就態度惡劣，落單佢唔會行埋黎，要你大嗌畀佢聽，因為佢哋要企埋一齊吹水；吹水吹到大聲過啲客，粗口橫飛。由以前嘅溫馨家庭感變成一份大排檔感受。 我已經忍咗好多次都唔忍心畀差評，我忍唔到呀！雖然以前老闆娘會惡啲，但啲野係真心好食，我寧願換走晒啲熱褲mk妹，都想老闆娘返黎黑面落單呀！ 但啲餐真係幾抵，5星。