夏銘記 (已結業)

成日都去油麻地百老匯睇戲，除左麥記之外，呢間係唯一選擇，事關佢碗麵唔大，一陣就食完，行過百老匯3分鐘都唔駛。呢間舖話自己既魚旦好出名，所以就叫個乜都有既四寶河(偏偏冇魚片)。佢既魚旦唔算好彈牙，魚餃、豬肉丸、墨魚丸都係一般貨式，湯底都算唔太多味精，食完都唔係好覺口渴。佢講到自己d魚旦咁出名，但係本人就覺得同一般魚旦冇乜分別，成$23一碗真係唔係幾抵。