Red Lobster (Fashion Walk) (已結業)

見啱啱放寬晚市堂食，我就同我老婆去銅鑼灣搵下食，咁啱經過依間餐廳，我地就唸住試下walk-in有無位啦，我地6:00pm去到，可能仲未到rush hour，竟然仲有位，門口個waitress問要7:30pm交枱有無問題，我地無所謂咁就入左去。我地兩個人叫左一個Lobster Flatbread加一個Lobster Pasta，食物味道都ok，但D服務就真係差勁啦！本身我地都肚餓，所以連埋等食物時間用左唔夠45分鐘就食晒嗰兩碟野，正當我地唸住坐一陣回味下D食物時，個waitress已經好有效率咁收走我枱面上嘅所有野，我初時都無為意，仲覺得佢地做嘢好快手添，但佢收完嘢之後就已經順手比埋張單我嗰下就令我O左咀，講明7:30pm交枱，當時7:00pm都未到，我同我老婆講算啦，人地咁唔想做我地生意，咁我地就成全佢啦，以後都唔駛旨意我再番黎啦！