王府

營業中

休息中

與同事一行四人LUNCH TIME不知食乜好，行到威靈頓街見呢間舖唔駛等又未食過，咪入去試下囉！先講食物，我們四人點了三款不同的餃子，羊肉餃子，海參三鮮餃子同唔記一款是什麼。可能我地唔識欣賞啦，食完覺得無乜特別，一般餃子店水準。每碗約$4X，不算太平，係中環來說價錢一般啦。大家食完諗住傾一陣先返公司，過一陣好快立即有人過來收拾你枱上啲野，OK，即係趕我地要走了。呢樣唔過份，明白LUNCH TIME多人，我們諗住傾多兩句就走，點知唔夠廿秒，店員已係我們面前抹枱、把新的碗筷餐具排好了。 乜料先，單都未埋，你唔俾我再叫嘢食呀，原先想走的我們立即決定再傾下先走。轉過頭就有店員過來對我們話，出面有人排隊，食完野就出去埋單俾錢。 話，火都嚟埋，我們即刻問呢到食嘢係咪有限時㗎?店員即刻唔知點答就走開了，之後店員輪流係我們隔離行來行去，我們都費事理佢。不過知道出面有人等位，我們吹多兩咀都走了。如果你要食快餐，呢到一流，你唔想走都趕你走。如果唔係，勸你唔好幫襯呢間舖。