河內大娘越南餐廳 (已結業)

LUNCH嚟食，見無乜人就入咗去。同朋友叫咗午餐，2碗粉加飲品（少冰）。一上枱就已經溶咗一層水喺面，咖啡味酸有燶味....碗粉叫了金邊粉，卻嚟咗河粉，咁照食無所謂啦。味道OK唔差既，但發生咗件事真係O曬嘴....我食完碗粉用牙籤了牙，放左喺枱面。而朋友未食完，點知個阿姐問都唔問，執起我支牙籤直接掉去我朋友碗粉度「食完啦嘛」，我朋友即時呆咗，因為佢仲未食完，只係傾緊電話...咁當然個阿姐連道歉都無，好似怪我哋唔講清楚咁，明明佢無問到就想執走我哋啲嘢，（果時間餐廳一半客都冇，又無人等位）完全係趕客！！！今次真係可以話，可一不可再 ✋✋