金記粥店

營業中

休息中

路過漁灣邨，真係地靈人傑空氣青新，難怪居民有知慧用民意將條「架兩」爛樹根連根拔起。送走「架兩」食「炸兩」，熟食中心中都有創意料理叉燒腸炸兩、牛肉睇炸兩同蝦米腸炸兩，款款$20，而且個個有朵，就係「叉燒卷」、「牛肉卷」同「蝦米卷」。一向鍾意食腸粉，不過好少會食蝦米腸，因為總覺得蝦米硬嘅質感同軟滑嘅腸粉唔多夾。不過呢個蝦米卷唔會，蝦米唔會過硬，同腸粉融為一體。即叫即整，要等兩三分鐘。一上枱，分量好似係一般粥鋪嘅兩倍，成碟小菜咁，淨食呢味都已經超飽。油炸鬼仲係脆身，有少許油臭味。豉油偏甜。腸粉爽身。傳統老店無麻醬供應。呢度嘅甜醬較稀身，古早味濃。辣醬唔係一般淨鮮橙色余均益，呢度嘅顏色同質量偏向似中碎咗嘅腐乳醬顏色，中間見到辣椒碎。甜辣混醬令炸兩食味更豐富，也能中和油炸味。