翰騰閣

營業中

休息中

一直都唔係好明呢間酒樓點解可以有咁多人排隊，太古城咁多嘢食，啲人總係鍾意嚟呢度；今次終於你一試究竟。 為咗就啲長輩，午市人最多嘅時候都要嚟排隊，攞飛嘅時候服務員話用餐時間只得個半個鐘，心諗飲茶都限時個半鐘咪玩啦，如果唔係佢哋想嚟飲茶，請我都唔會嚟！ 等咗半個鐘左右終於可以入座，枱都未執好就拿拿聲開始睇點餐紙，點心上菜速度都算快，但係當大家又想傾計，又要趕時間交枱，就要狼吞虎嚥，好似食咩入口、味道係點，都已經係冇咩所謂，一切就只係快啲快啲。 其實點心都算精緻，質素都唔差，但係就差在佢哋嘅安排，真係需要改善一下，如果唔係都相信唔會再有第二次。