Vie Won Won (已結業)

Bookmark左好耐終於約到朋友同我去「鬼混」👻之前喺銅鑼灣店食過一次，環境裝修都好特別，整古做怪，食物質素都唔錯👍🏻之前由銅鑼灣搬咗去西環，地點都算方便，香港大學站一出就係，菜式同埋全新嘅佈置都有唔同，呢晚終於可以試吓～餐廳成個設計有啲似古宅，燈光暗暗地有啲陰森嘅感覺，周圍都有啲好趣怪嘅佈置，牆上面呢海報都幾有意思，入左餐廳後上一層，樓梯都有好多掛畫，啱晒打卡📷我哋都忍唔住影返幾張合照👯‍♀️首先叫左杯Prosecco chill下🥂呢到仲有唔同類型既酒，唔想飲酒都仲有勁多款特飲，叫返杯飲下傾下計都好正。小食要左炸西蘭花苗，炸得幾酥脆，有幾款醬可以揀，要左XO醬，似他他醬多啲。另一個蜆係冷盤，店員話當日轉左做青檸汁，酸酸甜甜咁勁開胃！主食要左龍蝦沾麵，龍蝦肉好爽口，如果話係沾麵我覺得比較似撈麵🤣啲汁已經撈好曬，都幾香龍蝦味，粗身既麵條好有咬口。兩個人share都夠食。最後甜品叫咗迷幻蘑菇🍄都係期待已久，而且抱着試伏的心態🤣上枱時相機ready店員打開玻璃蓋，有煙走出黎，做咗迷幻嘅感覺😂底下，黃色部份係熱情果味慕絲，上面紅色菇的外層有少少麻辣的感覺，入面係紅苺味，好特別😳🔸炸西蘭花苗配