三木日本料理 (已結業)

又搵到新地方食放題！係尖沙咀k11旁邊，地理位置唔錯，食物質素又如何呢？我同朋友一見到urchin，又要怒食了。叫一舊小試牛刀先，又幾唔錯，新鮮既，甜既。要一讚上菜速度，光速，軍艦黎到塊紫菜仲好脆，配海膽一流！所以有encore！！蔥花吞拿魚入口都好滑。呢個係秋葵燒蝦肉，幾得意既配搭不過略油。燒物，有比較少見既鵪鶉蛋，好食。牛舌都不錯，有咬勁。又係例牌火灸三文魚腩同左口魚群邊，最鐘意油脂在口爆發既感覺，不過燒得唔夠，無左個焦香味。刺身都ok，油甘魚同三文魚比較出色。又到烏冬時間，蕃茄牛肉湯烏冬，湯底係ok既，香甜但烏冬用普通牌子，削左d。最後，吸引住小姐既緊係甜品，款式都好多，推介既係牛奶布甸，好香滑，不過個焦糖布甸，唔知點解無焦到...係液態既焦糖，所以有點苦。總扣黎講，食物種類有驚喜，質素不錯，要識揀就可以有滿足既一餐！呢個價錢係尖沙咀黎講算係咁。