銘興山西刀削麵 (民泰街)

營業中

休息中

一個人響紅磡區做完嘢，問吓朋友有乜嘢好介紹，跟住佢問我想唔想試吓刀削麵，所以就去咗呢間銘興山西刀削麵試吓。紅磡呢間嘅位置都算幾方便，響黃埔地鐵站A出口行上嚟，由地鐵站口行過去都係三分鐘左右就到，亦都相對好容易搵。不過去到出現嘅問題就係見到裏面好多人，好好生意，因為天氣唔好唔想響出邊等，所以今次就決定買外賣攞去附近朋友嗰度食就算啦。簡簡單單叫咗個醉雞刀削麵嚟試吓，因為覺得依啲基本菜式比較容易試到佢嘅手勢。攞到去朋友度開出嚟睇吓醉雞嘅份量比想像中多，一啲都冇偷工減料，仲有一隻糖心蛋，最重要係醉雞汁都好多，完全可以浸住晒啲雞，所以食落去都有好濃嘅醉雞味。佢個刀削麵份量都唔少，面嘅靭度都啱啱好，湯底都好夠味，不過就有少少偏鹹，但係整體嚟講佢嘅刀削麵都算好好味。