スーパー丼 (駱克道) (已結業)

去銅鑼灣聽講座，要快吃又唔想食快餐店，經過呢間丼飯，見內裡裝修簡潔，除左近門口既長檯，入面仲有梳化位~ 而且丼飯需時短，係一個唔錯既選擇!睇睇menu，有熱食同刺身丼。有選擇困難症既我就揀個5色既《特上北海道丼》有海膽、帆立貝、三文魚籽、吞拿魚腩蓉、油甘魚趁熱先飲豆皮麵豉湯，好夠熱，唔咸~丼飯既刺身蓋滿整碗飯，份量都幾多!!最令我心心眼莫過於海膽~因為用上北海道貨色，味道更鮮更甜。帆立貝有3片，雖然一粒帆立貝切開2邊，但依然厚身。三文魚子真係好多，新鮮唔腥，最中意係一匙羹入口卜卜咁爆開，鮮味十足。吞拿魚腩蓉伴以香蔥，口感軟綿綿，幼滑甘香。以定價$198黎講，每一款都非常足料!另一個係特上油甘魚丼($98)，呢一款用既油甘魚比北海道丼更肥美，屬腩部份，魚油更色澤紋路分布均勻，油花更細緻。