Masala Train (已結業)

好興奮個ig story收到好多dm 原來都有好多人鐘意呢啲重口味印度野🤤 其實我勁鐘意食東南亞菜，越泰唔使講啦，我仲好鐘意食印度、斯里蘭卡、印尼野，平時同朋友食飯永遠都冇機會食呢啲偏門野，所以自己一個食飯就機會黎喇飛雲，盡情地重口味🤤🤤呢間小店賣啲似中東x印度既kebab/roll，羊肉賣哂😭揀左masala chicken tikka roll，好香濃既masala curry😍 唔太辣，份量係超級多架！加$5轉左做whole wheat tortilla，熱辣辣既餅卡包住好多雞配埋青椒、洋蔥、生菜、蕃茄，仲有乳酪汁同千島醬，口感好豐富，用錫紙包住食到尾個roll都係熱辣辣架，真心好好味，而且好飽肚都係$58+$5咋貪心的我次次見到samosas都一定會叫，我唔鐘意食港式咖哩角，覺得餡勁少，淨係食炸雲吞皮唔過癮，相反我超超超鐘意食印度咖哩角，大大隻又平，仲要勁厚皮+滿滿辣薯蓉同青豆，澱粉x澱粉既組合真係岩哂我呢個澱粉控！熱辣辣炸出黎又唔油膩，食哂3個好飽都仲要打包丫！😍 下次一定要試個羊肉卷！