餃掂手工餃子雲吞專門店 (已結業)

呢間餃掂係以前已經食過幾次, 估唔到今日再黎食已經咁受歡迎,之後有其他食客都要等位, 亦有唔少人黎買生餃醬料比以前齊備得多, 架上放了醋, 醬油, 辣椒醬都有兩款選擇仲有我喜愛既醃菜, 好多種類, 前幾次黎食都有, 尤其酸蘿蔔, 爽口又開胃辣椒就小的辣, 大的反而不辣黎到唔使講一定係食餃子呢度o既煎餃係生煎o既, 煎出黎底面呈金黃色, 餃子皮外脆內軟, 脆皮面積大餃子皮薄, 生煎都煎得咁靚又唔爛, 好野~我食過其他餃子店, 為求快, 將餃子先煮熟, 才拎去煎, 效果的確無咁好韮菜好啱用黎煎, 可以突出韮菜香嫌韮菜餃重口味的話, 可以試下其他餃子, 好多種類, 松茸餃, 粟米餃, 芝士餃, 雲耳餃, 白菜餃, 菜芯餃, 莞茜餃, 種類好多雖然自己唔鍾意食莞茜, 但莞茜餃的確唔係到到有得食, 而且聽到唔少人棒場一款餃子當然唔夠食, 另外叫左至尊松茸餃同粟米餃松茸餃係呢度招牌菜, 又呢到先有得食餃子的松茸味濃郁, 味道獨特, 豬肉份量多湯餃o既湯係老火湯黎, 真材實料好有屋企既味道, 覺得味淡可以自己加鹽粟米豬肉湯餃, 粟米粒同豬肉分佈平均D食得出粟米新鮮甜味最後兩碗湯都飲哂, 飲完都唔口乾