大頭蝦餐廳 (已結業)

沿住英皇道行，見到呢間食東南亞野既餐廳，set lunch又唔算貴喎，大約$50幾蚊一個人。叫咗個豬頸肉喇沙，麵底揀咗檬粉。碗粉一嚟到已經聞到超香，湯底落咗好多椰奶去煮，超香濃。最難得既係啲豬頸肉多到好誇張😂😂😂，平時最多都係5-6片，但呢度係食極都有，我諗起碼有10幾片，以$50幾蚊一碗粉嚟講，足料到難以置信。除咗份量足之外，啲豬頸肉好有炭燒既香味，每條肉質都好爽，超好食🤤🤤🤤🤤野飲方面就係平時茶餐廳見開嗰啲，冇咩特別，但呢個價錢仲要包野飲就已經好好啦備註：餐廳入面有貼洗手間指示牌，但其實係fake既😂😂😂佢只係指示你去出面既公廁，餐廳入面係冇既🙈