影片
更多
2023-06-01
29 瀏覽
可能因為天氣熱，近排口淡淡。於是約咗個朋友想去食burger🍔咁啱留意到元朗安娜隔離開咗間 burger 舖，見到個名就認得原來以前幫襯過，最近仲由外賣搬咗做堂食添。 舖頭乾淨企理，冷氣足夠，坐得幾舒服。 burger🍔款式好多有牛有豬有雞有魚，梗有一款啱你。不過咁啱我同朋友都係牛肉fans 所以就嗌咗個 好有夏日風情嘅燒菠蘿牛肉漢堡 同埋 招牌嘅 馬森至尊。 先講個燒菠蘿🍍牛肉漢堡🍔，漢堡肉係手打嘅，好厚身而且大大塊。咬落去肉質唔鬆散，仲好juicy，食到胡椒同牛肉嘅香味。入面塊菠蘿可以話係錦上添花，為成個burger增加咗水果嘅酸甜香味，平衡到牛肉嘅油香。 至於 馬森至尊 ，一個字講晒： 「足料！」。入面有齊煙肉、香草腸、芝士🧀️手打牛肉漢堡、超嫩滑嘅炒蛋同埋生菜番茄洋蔥。Burger 口感非常豐富，炒蛋、芝士同埋塊漢堡嘅配合令到個包充滿汁水、唔會「鞋熠熠」。友人本身好中意食肉，呢個包啱啱可以滿足到佢呢啲食肉獸嘅需求。 除咗漢堡包🍔好食之外，小店唔少細心位都做得足，例如係上菜嘅碟全部都係熱過嘅，Burger嘅包都係有烘熱過好脆口。而家唔少舖頭為咗加快效率，好少喺呢啲位置上花心思。值
舖頭乾淨企理，冷氣足夠，坐得幾舒服。
burger🍔款式好多有牛有豬有雞有魚，梗有一款啱你。不過咁啱我同朋友都係牛肉fans 所以就嗌咗個 好有夏日風情嘅燒菠蘿牛肉漢堡 同埋 招牌嘅 馬森至尊。
先講個燒菠蘿🍍牛肉漢堡🍔，漢堡肉係手打嘅，好厚身而且大大塊。咬落去肉質唔鬆散，仲好juicy，食到胡椒同牛肉嘅香味。入面塊菠蘿可以話係錦上添花，為成個burger增加咗水果嘅酸甜香味，平衡到牛肉嘅油香。
至於 馬森至尊 ，一個字講晒： 「足料！」。入面有齊煙肉、香草腸、芝士🧀️手打牛肉漢堡、超嫩滑嘅炒蛋同埋生菜番茄洋蔥。Burger 口感非常豐富，炒蛋、芝士同埋塊漢堡嘅配合令到個包充滿汁水、唔會「鞋熠熠」。友人本身好中意食肉，呢個包啱啱可以滿足到佢呢啲食肉獸嘅需求。
除咗漢堡包🍔好食之外，小店唔少細心位都做得足，例如係上菜嘅碟全部都係熱過嘅，Burger嘅包都係有烘熱過好脆口。而家唔少舖頭為咗加快效率，好少喺呢啲位置上花心思。值得一讚嘅仲有服務員嘅態度，非常溫和友善，而且仲好好笑容，幫襯過就會明點解呢家小店咁多正評😆～
張貼
