百芳池上便當 (大河道) (已搬遷) 新店位置

早幾日放工見冇落雨，謙謙又補完習溫好書， 佢要求比佢去公園放下電，去左荃灣廣場5樓玩左一會，個豬仔已經濕哂面都紅卜卜又話肚餓又話口渴。我就同佢行去對面Aeon 的百芳池上便當到食晚餐。百芳d 便當做得幾好，有粟米粒蔬菜配肉一個個便當方便小朋友食。我地就叫左兩個便當加兩杯飲品。⚛ 台灣鹽酥雞便當 ～ 鹽酥雞同我係台灣食的風味一樣😍😍😍超級香酥味道一流， 便當內仲有粟米，炒粉絲，椰菜好豐富。⚛ 台灣焢肉便當 ～ 嘩比佢成大舊焢肉霸左成個便當，份量好足，焢肉入味軟腍，加上旁邊的菜圃好惹味。⚛ 皮蛋豆腐 ～ 好吸引的皮蛋，下層豆腐吸哂d 醬汁味道可口，豆腐仲要超滑溜好似食緊豆腐花咁。🧋 芝士奶蓋紅梅果茶 ～ 我杯紅梅酸酸地飲落又有果香，上面層芝士奶蓋好厚身，抵讚。🧋 芝士奶蓋金萱青茶二重奏 ～ 謙謙就喜歡青茶，味道清香撲鼻，奶蓋點綴下帶一點點咸味，唔錯呢！